Anakmu tan
bisa males
Lelabuhanmu
kang tanpa winates
Sabarmu kang
agung kuwi
Nyangga polah
kurdaning para putramu
Panas udan ora
dadya perkara
Tur ora wedi
ing pepalang
Tansah asung
tetuwuhan
Ijo royo-royo
tur sumambrah
Gawananmu abot
banget
Nanging ora
ngresula
Mung
kekarepanmu ijen
Pengen putramu
tansah mulya
Pandongaku,
Mugya panjenengan tansah rahayu
Njaga
jembaring jagad iki kang ayu
Panjenengan menika minangka sang surya
Ingkang dados sumebaring gesang jagad
iki
Ingkang nambah kekiyatan
Nggesangaken saliring kang tumitah
Panjenengan minangka sang candra
Ingkang sampun maringaken pepadhang
Pepadhang kawimbuh
Swasana asrep ing wanci dalu
Panjenengan ugi minangka sudama
Amargi sanadyan ing wanci dalu peteng
Sudama menika saged asung pepadhang
Saged paring daya pepadhang marang
kahuripanku
Dalemipun ibu kula Ita handayani wonten tlatah Kabupaten Tegal
2015
0 Comments