Sekaten utawa upacara Sekaten (saking tembung Syahadatain utawa kalih tembung syahadat) inggih menika adicara ingkang dipunpengeti ambal warsanipun Nabi Muhammad s.a.w. sing diwontenaken saben tanggal 5 sasi Jawa Mulud (Rabiul awal tahun Hijrah) wonten ing alun-alun lor Surakarta kaliyan Yogyakarta. Upacara menika kala jaman rumiyin diwontenaken dening Sultan Hamengkubuwana I, pandiri keraton Yogyakarta kangge ngundang masyarakat mlebet agami Islam.
wonten dinten kapisan, upacara diwiwiti ing dinten dalu dipunlajengaken arak-arakan abdi Dalem (punggawa kraton) sami-sami diiringi kalih set gamelan Jawa: Kyai Nogowilogo lan Kyai Gunturmadu. Iring-iringan meniki kawiwitan saking pendopo Ponconiti dumugi masjid Agung ing alun-alun lor dikawal kalih prajurit Kraton. Kyai Nogowilogo badhe manggoni sisih lor saking masjid Agung, menawi Kyai Gunturmadu badhe manggoni ing Pagongan sisih kidul masjid. Kalih set gamelan iku badhe dimainke sesarengan nganti tanggal 11 wulan Mulud suwine 7 dinten katurut-turut. wonten ndalu ingkang pungkasan, kalih gamelan menika badhe dibekta wangsul malih wonten Kraton.
Grebeg Muludan
Acara puncak Sekaten menika dipunlampahi Grebeg Muludan ingkang dipunwontenaken nalika tanggal 12 robiul awall (dinten ambal warsanipun Nabi Muhammad s.a.w.) wiwit tabuh 8:00 enjang. Dikawal kaliyan 10 macam (bregodo/kompi) prajurit Kraton, inggih menika: Wirobrojo, Daeng, Patangpuluh, Jogokaryo, Prawirotomo, Nyutro, Ketanggung, Mantrijero, Surokarso, dan Bugis. setunggal Gunungan ingkang kadamel saking uwos ketan, daharan kaliyan woh-wohan ingkang dipunbekta saking istana Kemandungan nglewati Sitihinggil lajeng tumuju Masjid Agung. sakbibaripun dipundongani Gunungan ingkang nglambangken kasejahteraan kerajaan Mataram menika dibagi marang sedaya masarakat. Bagian isen-isen Gunungan menika ingkang dipunanggep sakral menika badhe dibetha wangsul lajeng ditandur wonten sabin utawa tegalan supados mangkin dados subur kaliyan bebas saking bencana lan malapetaka.
Tumplak Wajik
Kalih dinten sakderengipun acara Grebeg Muludan, satunggalipun upacara Tumplak Wajik diwontenaken wonten ing halaman istana Magangan tabuh 16:00 sonten. Upacaranipun inggih menika kotekan utawa dolanan lagu ngagem kentongan, lumpang kangge numbuk pari, enggalipun ingkang nandai badhe dipunwiwiti pandamelan Gunungan ingkang badhe diarak wonten ing acara Grebeg Muludan mangke. Tembang ingkang diunekken wonten ing adicara Tumplak Wajik inggih menika tembang Jawa populer kayata: Lompong Keli, Tundhung Setan, Owal awil, utawa lagu-lagu rakyat sanesipun.
sumber luwih jangkep, kunjungi: http://urbandepan.blogspot.co.id/2012/01/sekaten-dalam-bahasa-jawa.html
0 Comments