Home » Archives for 2015
No Comment

ANALISIS STRUKTURAL NARATIF ALA C. LEVI STRAUSS AWUJUD CARIYOS KALIYAN MAKNA KETELADANAN MASARAKAT JAWA WONTEN RINGGIT PURWA LAKON RAMA TAMBAK



1. Metode Ingkang Dipunangge
Metode ingkang dipunangge dening panyerat kangge nganalisis kaliyan ngkaji kisah wayang lakon Rama Tambak inggih menika nggunakaken  teori Struktur Naratif ala C. Levi Strauss.

2. Sinopsis Kisah Wayang Lakon Rama Tambak
            Wonten ing kisah wayang lakon Rama Tambak menika dipuncariyosaken menawi Dewi Sinta menika dipunculik dening Prabu Dasamuka, lajeng dipunbekta dumugi Negari Alengka. Prabu Rama raosipun sepen tur khawatir. Prabu Rama badhe ngrencanakaken katah cara kangge nylametaken Dewi Sinta saking Prabu Dasamuka. Prabu Rama ngrencanakaken badhe ndamel jembatan margi ingkang bentang awit saking segara dumugi Negari Astina. Prabu Dasamuka Cemas awit mireng rencana saking Prabu Rama menika, nanging Prabu Dasamuka sampun optimis menawi usaha ingkang badhe dipundamel dening Prabu Rama menika boten bakal kawujud lan kalaksanan.
Sakwise mirengaken kaseksenan saking mata-mata kerajaan Alengka, inggih menika Detya Kala Marica maringi informasi menawi  Wibisana sampun wonten ing negari Pancawati kangge ndamel jembatan menika. Mireng informasi menika, Prabu Dasamuka nyuwun tulung marang Detya Kala Yuyu Rumpung kangge bekta sedaya pasukan raksasa kepiting wonten ing Samodera Hindia, kangge nyerang jembatan ingkang dipundamel dening Prabu Rama. Salajengipun sampun kempal sedaya, Detya kala Yuyu Rumpung, Detya Kala Marica kaliyan sedaya pasukan pangkat sesarengan dumugi Samodera Hindia. Wonten Pancawati, Prabu Rama saweg rerembugan sesarengan kaliyan Narpati Sugriwa, Laksmana, Anoman, Anggada, Anila lan para punggawa sanesipun. Prabu Rama ngrencanakaken damel tanggul ing samodera Hindia, awit saking Pancawati dumugi tanah Alengka kangge bekta lan ngarahaken pasukan saking Pancawati. Nalika proses bending tanggul, dereng dumugi Negari Alengka tanggul menika asring jebol kaliyan ancur, pasukan saking Prabu Rama dados murka lan putus asa, dereng mengertos, langkah menapa malih ingkang saged dipunlampahi.
            Sanalika menika, Prabu Rama kapethuk tamu saking Negari Alengka, inggih menika Wibisana adhik saking Prabu Dasamuka. Prabu rama sumringah sanget, amargi Wibisana badhe mbiyantu Prabu Rama ndamel jembatan menika. Wibisana saged mbiyantu proses ndamel jembatan awit saking Pancawati dumugi Negari Alengka menika. Nanging boten lami nggih jembatan menika ugi taksih jebol kaliyan roboh. Prabu Rama sansaya gethun ugi cemas amargi tansah kelingan kaliyan Dewi Sinta, lajeng prabu Rama nglakokake semedi, kangge nyuwun pitulungan marang Sang Hyang Widhi. Nanging, pitulungan menika boten dumugi-dumugi. Amargi menika, awit saking judhregipun pikiran, Prabu Rama badhe migunakaken senjata pamungkas ingkang awujud Guwowijaya. Nalikane Guwowijaya badhe dipunlepas, sanalika menika ugi rawuh penguwasa samodera, dewa laut Hyang Baruna maringi wejangan marang Prabu Rama menawi senjata Gondowijaya menika boten usah dipunlepas rumiyin, amargi menawi senjata menika dipunlepas saged ngancuraken sedaya isi sejagad wonten segara.
            Tokoh-tokoh senapati wonten Pancawati nyuwun menawi Wibisana diusir kemawon saking pancawati, amargi Wibisana dipuntuduh menawi badhe ngrusak Pancawati kaliyan sekongkol kaliyan kangmasipun inggih menika Prabu Dasamuka. Ananging Prabu Rama boten sarujuk kaliyan usulipun saking tokoh-tokoh senapati, Prabu Rama tetep Percaya kaliyan Wibisana, amargi Prabu Rama mangertosi menawi Wibisana menika ikhlas kaliyan tulus badhe mbiyantu Prabu Rama, lajeng Wibisana ugi sampun mangertosi babagan seluk-beluk Negari Alengka Diraja.
            Perkara babagan jembatan ingkang sampun dipundamel nanging taksih jebol terusan, Prabu Rama dipunserahaken sedaya kaliyan Wibisana. Wibisana ugi matur, menawi jembatan ingkang asring jebol menika dipunsebabaken dening pasukan Prabu Dasamuka. Wibisana lajeng nyuwun kaliyan Prabu Rama kangge ngempalaken sedaya kethek-kethek Yuyu Kingkin ingkang manggon wonten alas pancawati tumuju marang jembatan situbondo ingkang sampun dipundemel dening prajuit-prajurit Pancawati. Kapi Yuyu Kingkin ugi sampun siyaga kangge ngerahaken ewonan kethek yuyu kingkin kangge nyerang pasukan saking Negari Alengka. Kapi Yuyu Kingkin menika salah sawijining awujud kethek ingkang nggadahi capit yuyu ingkang atos, saged nyelam ugi renang wonten segara. Nalikane sampun kempal sedaya , lajeng langsung pangkat tumuju jembatan kang saweg dipundamel, anoman sanalika menika ingkang dados komandan saking prajurit pasukan Pancawati. Saking pitulungan Wibisana, pasukan Kapi Yuyu Kingkin kaliyan sedaya pasukan prajurit Pancawati saged ngalahaken pasukan saking Alengka, pasukan Yuyu Rumpung tewas. Sakwise boten wonten gangguan malih saking pasukan Alengka, pasukan Pancawati lan wibisana nglajengaken damel jembatan menika, kanthi gotong royong, guyub rukun, lajeng jembatan ingkang dipundamel sampun dados. Sedaya pasukan saking pancawati lan pasukan kethek dipunajak pangkat menyang negari alengka Diraja, saperlu kangge nyelamataken Dewi Sinta, kanthi mbela kabecikan, kamurkaan menika lebur ajur mumur. Lajeng Dewi Sinta saged dipunslamataken saking Prabu Dasamuka.

3. Menganalisis Struktur Naratif Ala C. Levi Strauss
Isi cariyos kisah wayang Lakon Rama Tambak inggih menika :
1)      Dewi Sinta dipunculik dening Prabu Dasamuka sarta dipunbekta dumigi Negari Alengka
2)      Kedadeyan menika njalari Prabu Rama dados cemas kaliyan khuwatir. Prabu Rama ngrencanakaken badhe nglakokaken menapa kemawon kangge nyelamataken Dewi Sinta saking Prabu Dasamuka.
3)      Prabu Rama ngrencanakaken badhe damel Jembatan margi wonten segara ingkang mbentang dumugi Negari Alengka.
4)      Prabu Dasamuka ingkang mireng berita menika, dados cemas, nanging sanget optimis menawi jembatan menika boten bakal dados amargi tansah roboh.
5)      Nanging angen-angenipunsaking Prabu Dasamuka menika mleset, amargi miturut panemunipun saking salah sawijining prajurit saking Alengka, menawi jembatan menika enggal dados, amargi dipunbiyantu dening Wibisana adhinipun Prabu Dasamuka.
6)      Prabu Dasamuka murka, lajeng madosi Detya Kala Yuyu Rumpung supados bekta kaliyan ngarahaken sedaya pasukan raksasa yuyu ingkang wonten Segara samodera Hindia kangge ngancuraken jembatan ingkang dipundamel dening Wibisana.
7)      Wonten Pancawati, Prabu Rama saweg pirembugan kaliyan Narpati Sugriwa, Laksmana, Anoman, Anggada, Anila kaliyan para punggawa sanesipun. Prabu Rama saweg ngrencanakaken damel tanggul jembatan ing Samodera Hindia kanthi bekta pasukan saking pancawati ingkang katah.
8)      Nanging dereng dumugi Alengka, tanggung jembatan menika asring jebol lan ancur. Njalari Pasukan Prabu Rama dados putus asa.
9)      Dereng mangertos, langkah menapa malih ingkang badhe dipunleksanaken, lajeng Prabu Rama ketekan tamu saking Alengka, inggih menika Wibisana adhinipun saking Prabu Dasamuka, wibisana purun anggenipun mbiyantu damel jembatan menika.
10)  Sanalika jembatan ingkang dipundamel dening Wibisana sampun dados, nanging sabibare dipuncobi dening Anoman, jembatan menika ambrol lan ancur.
11)  Prabu Rama sanget khuwatir lan asring kelingan marang Dewi Sinta, lajeng Prabu Rama Semedi, nyuwun pitulungan marang Sang Hyang Widhi.
12)   Amargi awit saking judhregipun pikiran, Prabu Rama badhe migunakaken senjata pamungkas ingkang awujud Guwowijaya. Nalikane Guwowijaya badhe dipunlepas, sanalika menika ugi rawuh penguwasa samodera, dewa laut Hyang Baruna maringi wejangan marang Prabu Rama menawi senjata Gondowijaya menika boten usah dipunlepas rumiyin, amargi menawi senjata menika dipunlepas saged ngancuraken sedaya isi sejagad wonten segara.
13)  Tokoh-tokoh senapati wonten Pancawati nyuwun menawi Wibisana diusir kemawon saking pancawati, amargi Wibisana dipuntuduh menawi badhe ngrusak Pancawati kaliyan sekongkol kaliyan kangmasipun inggih menika Prabu Dasamuka.
14)  Ananging Prabu Rama boten sarujuk kaliyan usulipun saking tokoh-tokoh senapati, Prabu Rama tetep Percaya kaliyan Wibisana, amargi Prabu Rama mangertosi menawi Wibisana menika ikhlas kaliyan tulus badhe mbiyantu Prabu Rama, lajeng Wibisana ugi sampun mangertosi babagan seluk-beluk Negari Alengka Diraja.
15)  Wibisana lajeng matur, menawi jembatan ingkang asring jebol menika dipunsebabaken dening pasukan Prabu Dasamuka. Wibisana lajeng nyuwun kaliyan Prabu Rama kangge ngempalaken sedaya kethek-kethek Yuyu Kingkin ingkang manggon wonten alas pancawati tumuju marang jembatan situbondo ingkang sampun dipundemel dening prajuit-prajurit Pancawati.
16)  Saking pitulungan Wibisana, pasukan Kapi Yuyu Kingkin kaliyan sedaya pasukan prajurit Pancawati saged ngalahaken pasukan saking Alengka, pasukan Yuyu Rumpung tewas.
17)  Sakwise boten wonten gangguan malih saking pasukan Alengka, pasukan Pancawati lan wibisana nglajengaken damel jembatan menika, kanthi gotong royong, guyub rukun, lajeng jembatan ingkang dipundamel sampun dados.
18)  Sedaya pasukan saking pancawati lan pasukan kethek dipunajak pangkat menyang negari alengka Diraja, saperlu kangge nyelamataken Dewi Sinta, kanthi mbela kabecikan, kamurkaan menika lebur ajur mumur. Lajeng Dewi Sinta saged dipunslamataken saking Prabu Dasamuka.
19)   Jembatan tanggul menika lajeng dipunjenengi jembatan Situbondo, lajeng Dewi Sinta saged dipunslamataken saking Prabu Dasamuka.

4. Analisis Struktural Kaliyan Penafsiran
Episode I (Alinea 1 – 2)
Wonten alinea 1 – 2 ingkang sampun dipunserat wonten ngajeng inggih menika wonten kalih prabu ingkang sakti, asmanipun inggih menika Prabu Dasamuka (PD) kaliyan Prabu Rama (PR) , Prabu Rama (PR) menika nggadahi garwa ingkang asmanipun Dewi Sinta (DS). Prabu Dasamuka (PD) menika tresna kaliyan garwanipun Prabu Rama (PR), lajeng nyulik Dewi Sinta (DS), lajeng dibekta dumugi Negari Alengka. Kedadeyan menika njalari Prabu Rama dados cemas kaliyan khuwatir. Prabu Rama ngrencanakaken badhe nglakokaken menapa kemawon kangge nyelamataken Dewi Sinta saking Prabu Dasamuka. Saking cariyos menika saged dipunpirsani skema inggih menika:
PD       : Dereng nggadahi garwa, serakah, amargi sampun mangertos menawi Dewi Sinta (DS) menika sampun nggadahi bojo, nanging taksih dipunrebut.
PR       : Sampun nggadahi garwa, nggadahi watak ksatria ingkang sanget tresna kaliyan Dewi Sinta (DS).
Wonten ing episode menika “maknanipun kaliyan kededudukanipun” tokoh antaranipun PD kaliyan PR sampun saged dipuntonjolaken, nanging wonten ngriki namung saged mbandingaken menawi tokoh PD kaliyan PR sami-sami tiyang prabu ingkang ngabdiaken wonten kerajaan ing wilayah benten-benten. Sabab menika wonten episode I saged dipun oposisi:
PD – tiyang Prabu ingkang ngabdi wonten wilayah kerajaan Alengka.
PR – tiyang Prabu ingkang ngabdi wonten wilayah kerajaan Pancawati.

Episode II (Alinea 3-5)
Wonten episode II menika dipunjlentrehaken babagan rencana saking PR kange ndamel jembatan ingkang bentang wonten segara ingkang nggadahi ancas kangge nylamataken DS saking PD. PD ingkang mireng informasi menawi PR badhe ndamel jembatan dados khuwatir, nanging Prabu Dasamuka sampun optimis menawi usaha ingkang badhe dipundamel dening PR menika boten bakal kawujud lan kalaksanan. Nanging, Sakwise mirengaken kaseksenan saking mata-mata kerajaan Alengka, inggih menika DKM (Detya Kala Marica) maringi informasi menawi  (W) Wibisana adhinipun PD sampun wonten ing negari Pancawati kangge mbiyantu ndamel jembatan menika.
Ingkang menarik wonten episode menika inggih menika sampun dipunjlentrehaken babagan wiwitanipn konflik ingkang dipunalami wonten kisah wayang Lakon Rama Tambak menika. Umpaminipun, (W)  sakjane adhinipun saking PD, nanging malah wonten episode menika malahan mbiyantu PR, nanging babagan penyebab kados mekaten (W) polahipun mekaten dereng dipunjlentrehaken kanthi rinci wonten episode II menika.

Episode III (Alinea 6-12)
Wonten episode III menika kalebu lanjutan saking episode saderengipun, inggih menika dipunjlentrehaken menawi sabibare Mireng informasi menika, PD nyuwun tulung marang DKYR (Detya Kala Yuyu Rumpung)  kangge bekta sedaya pasukan raksasa kepiting wonten ing Samodera Hindia, kangge nyerang jembatan ingkang dipundamel dening PR. W saged mbiyantu proses ndamel jembatan awit saking Pancawati dumugi Negari Alengka menika. Nanging boten lami nggih jembatan menika ugi taksih jebol kaliyan roboh. PR sansaya gethun ugi cemas amargi tansah kelingan kaliyan DS.
Hal menika njlentrehaken menawi PD sanget optimis kaliyan ageng ambisinipun kangge tansah nglakokaken usaha menapa kemawon, kangge ngancuraken usaha ingkang badhe dipunleksanakaken dening (PR), lajeng (PR) menika prabu ingkang sanget sakti, nggadahi elmu ingkang ageng, sarta sanget tresanipun marang DS ingkang samenika dipunculik dening (PD). Wonten episode menika ugi saged dipuntafsiraken menawi kamurkaan kaliyan kekhuwatiran tiyang ingkang sampun sumambrah ageng saged ndadekake ucalipun kendali sarta hal menapa kemawon kedah dipunlampahi kangge mujudaken kekarepanipun.

Episode IV (13-16)
Wonten episode IV menika dipuncariyosaken menawi sabibare ngancuraken jembatan menika, tokoh-tokoh senapati nyuwun menawi  (W) dipunusir kemawon saking Pancawati, amargi (W) menika nggadahi niyat kangge ngancuraken Pancawati kaliyan nggadahi sinambungan kerjasama kaliyan (PD), nanging rencana menika dipuntolak dening (PR), amargi (PR) menika percaya kaliyan (W), sabab miturut panemunipun (W), jembatan ingkang asring jebol kaliyan ancur menika dipun sebabaken  dening polahipun pasukan ingkang dipunkerahaken dening (PD).
Hal ingkang menarik wonten episode IV inggih menika (W) badhe mbuktikaken semampunipun kangge mbiyantu (PR) kangge ndamel jembatan, kaliyan mbuktikaken menawi (W) menika boten kerjasama kaliyan (PD). Wonten episode menika secara tersirat njlentrehaken tiyang ksatria ingkang saestu.

Episode V (17-19)
Njlentrehaken babagan puncaking konflik antaranipun pasukan (PD) kaliyan pasukan (PR) sabibaripun dipunbangun jembatan menika, pertarungan ingkang sansaya mbangetaken kaliyan sansaya sengit antaranipun kalih kubu pasukan menika.
Wonten episode menika wonten hal ingkang unik, inggih menika mangkin  wonten keleresan kaliyan kseriusan sampun milay. Pertempuran kalih kubu boten saged dipunbibari maneh, nanging pungkasipun, amargi semangat kangge bela keleresan kaliyan tujuwan suci kangge mitulungi (DS) saking (PD), pasukan (PD) saged dipunkalahaken, lajeng (DS) saged dipunslametaken saking (PD).

Episode VI (Alinea 20)
Wonten episode VI menika dipuncariyosaken menawi jembatan saged dipundamel dening (W) ingkang kerjasama kaliyan sedaya pasukan saking Pancawati, lajeng papan panggenan pertempuran ing antaranipun kalih kubu, yaiku pasukan (PD) kaliyan pasukan (PR), lajeng dipunasmani jembatan Situbondo.
Nanging, wonten bab ingkang wigati, inggih menika, hal menapa ingkang ndadosaken dipunasmani Situbondo wonten jembatan menika, dumugi wekdal samenika dereng dipunbahas kaliyan dereng dipuntemokaken pastinipun kados pundi, amargi taksih simpang siur. Nanging ingkang wigati wonten wilayah jembatan menika dados seksi ingkang nyata saking tragedi menika.

5. Wujud Konflik Batin Sosial
Masarakat Jawa, emang tansah ngagungaken harkat kaliyan martabat pribadhi, menapa malih menawi sampun wonten sambung sianambungipun kaliyan kulawarga, menapa kemawon saged dipunleksanakaken menawi kulawarga utawi sanak seduluripun dipunsakiti dening tiyang sanes.
Harkat kaliyan martabat pribadhi ugi tansah sanget dipuntingkataken, masarakat jawa menawi pribadhinipun dipunsakiti ,musthi boten remen, lajeng menawi sampun dumugi puncaking babagan menika musthi dados kamurkaan ingkang sansaya sumambrah. Masarakat jawa ugi sanget njagi kaliyan khurmati jara para sesepuh kaliyan leluhurnya, menika buktikaken menawi realita wonten zaman samenika sanget njagi khurmatan.

6. Makna Keteladanan Ingkang Wonten Kisah Wayang Lakon Rama Tambak
1)      kempal sesarengan, sambung sinambungan, pengorbanan kaliyan semangat juang ingkang ageng kaliyan tansah nyuwun pituduh kaliyan pitulungan kaliyan Sang Hyang  Widhi.
2)      Kangge mbangun salah sawijining proyek utawi kegiyatan, tansah dipunimbangi kaliyan persepsi ingkang sami kaliyan aspirasi wonten masarakat.
3)      Nepotisme kaliyan kolusi saged dipunlampahi, nanging namung kedah sekedar kawicaksanan kangge kalancaran tujuwan pembanguan.
4)      Amargi ambisi kaliyan namung mentingaken pribadhi, saged ndadosaken malapetak kangge masarakat ingkang boten mangertos menapa-menapa.
5)      Pungkasaning cariyos kisah wayang lakon inggih menika: becik ketitik ala ketara. Salah seleh, ingkang nggadahi pangerten sedaya tindhak tanduk ingkang leres musthi bakal enthuk kasil ingkang leres ugi, lajeng ingkang  salah musthi dipunicalaken.
6)      Tiyang ksatriya ingkang mentingaken pribadhi kaliyan kulawarga/garwa   kemawon (dipunlambangaken kaliyan tiyang ingkang berburu sesarengan kaliyan adik kaliyan garwanipun), sanes dados tipe ksatriya ingkang          dipunsegani.
7)      Wonten kisah wayang lakon Rama Tambak menika dipuncariyosaken kaliyan saged dipunpendhet maknanipun menawi dumugi jaman menapa  kemawon bakal taksih wonten penguwasa ingkang sipatipun angkara       murka, adigang, adigung, adiguna kayadene sipatipun Prabu Dasamuka   menika. Amargi menika kita sedaya tansah eling (sadar) kaliyan waspada.
8)      Wibisana wonten cariyos menika nglambangaken pemudha ingkang brontak marang panguwasa ingkang sipatipun angkara murka, migunakaken kekuwasaanipun kangge kepentingan pribadhi. Saged dipunsamikaken   kaliyan kahanan wonten kasunyatan, inggih menika reformasi wonten negari Indonesia.



No Comment

Geguritan Kahuripan (tansah nyinau)




Ajining Dhiri Ana ing Pangucapane

Omonganmu becik
Lakumu becik
Mesthi ugi bakal di sawang tiyang kang sae tur becik
Omonganmu mencla-mencle
Lakumu saenake dhewe
Mesthi bakal di sawang tiyang kanga la tumindhake

Mergane
Jagi lumakumu
Jagi pangucapan lathimu
Sabab ajining dhiri dumunung ing kedaling lathi tur lumakumu


Semarang, 18-10-2015


Sirna

Ijo royo-royo
Sumambrah  ing sadawane siti
Wit sarta gegodhongan kang subur ugi sumambrah
Banyu mili ora ana watese
Kewan-kewan padha gegojegan mrana-mrene
Angin kang sumilir iki
Nambah tentreming ing wayah sepi
Nanging,
Saiki ora ana kang kaya mangkono maneh
Ora bakal ana celathu-celathuning kewan maneh
Kabeh sirna, kabeh ancur bubrah
Gegara kedadeyan kang nggrentesing ati iki


Semarang, 20-10-2015


Klakon Janji

Aku wis ora kelingan
Nalikane wayah semana
Koe ngucap janji 
Janji kang nguwatke ati tur pangrasan
Aku manut
Aku bombong ing janji kuwi
Sadawane dina
Saben wayah tansah ngenteni janji kuwi
Janji kang bakal kok lakoni
Kang diucapke nalika wayah semana

Bungahing ati iki
Wengi iki awakmu teka
Awakmu gawa janji kang di ikrarake nalika kuwi
Trenyuhing ati iki ora bisa dak pendhem
Saking bungahing ati ing wengi iki

Semarang, 21-10-2015



No Comment

Linguistik Kaliyan Elmu


    1.     Pangerten ngenani basa lan elmu basa
Basa menika ugi kasebut swara, swara ingkang dipunmangerteni wonten ngriki inggih menika swara ingkang nggadahi teges kangge papan (alat) komununikasi para manungsa ingkang diasilipun saking alat piranti para manungsa ingkang nggadahi sifat arbitrer (mana suka). Basa menika antaranipun rupa kaliyan maknanipun boten wonten sesambunganipun. Kangge mangetosi, sinau kaliyan mangerteni pangangge tembung basa wonten ing tuladha menika:
          1.1  manungsa kuwi nduweni basa, nanging yen kewan ora.
          1.2  Ngomonga nganggo basa kembang
        1.3  Ani nyinauni babagan basa inggris, nanging yen Siska nyinauni basa jepang.
Tembung basa ing tuladha (1) basa wonten menika merujuk basa ingkang umum (langage). Tuladha (2) basa wonten menika merujuk menawi basa menika  pralambang. Tuladha (3) basa wonten menika merujuk saking basa ingkang spesifik, dadosipun miturut peristilahan ingkang di andharaken dening De Saussure menika kasebat langue.
Elmu basa menika kasebat Linguistik, Linguistik menika kaasal saking basa latin: lingua. Linguistik modern kaasal saking sarjana Swiss ingkang jenengipun Ferdinand de Saussure. Miturut Ferdinand de Saussure menika bentenaken menawi linguistik kabagen dados tiga, inggih menika, langue, langage, kaliyan parole. Miturut panemunipun de Saussure,(1)  langue menika nggadahi teges salah sawijining basa, umpaminipun basa prancis, basa inggris, basa jerman, lan sanesipun, ingkang kalebet sawijining sistem. Sanesipun inggih menika basa kalebu sifat khas manungsa, umpaminipun wonten ing tuladha “Manungsa kuwi nduweni basa, nanging yen kewan ora duwe basa”. (2) parole “tuturan” menika basa ingkang dipun angge sakersanipun kanthi konkrit.  Parole ugi kalebu objek ingkang konkrit amargi parole menika wujudipun ujaran nyata ingkang dipun angge dening masarakat basa. (3) Langue menika objek ingkang abstral amargi wujudipun sistem basa tertentu, nanging menawi langage menika objek ingkang paling abstrak amargi kawujud sistem basa ingkang universal.

Objek linguistik
Ciri-ciri utawa sifat ingkang nyata saking basa inggih menika:
1.     Basa menika minangka sistem
Tembung sistem nggadahi teges “cara” utawi “aturan”, inggih menika susunan ingkang teratur, ingkang nggabungaken sedaya ingkang nggadahi makna utawi fungsi.
Nggadahi teges sistem, basa menika ugi nggadahi sifat sistematis kaliyan sistemis. Sistematis ateges basa menika disusun kanthi miturut pola, kaliyan boten kesusun kanthi acak. Menawi sistemis inggih menika basa boten ateges sistem tunggal, nanging ugi kasusun saking subsistem-subsistem utawi sistem pungkasan.
2.     Basa menika minangka lambing
Lambing menika menawi dipunkaji saking seluk-belukipun wonten ing kagiyatan ilmiah bidang elmu semiotika utawi semiology menika elmu ingkang nyinaoni tandha-tandha ingkang wonten gesang para manungsa, utaminipun basa. Wonten ing semiotic dipunbentenaken dados pinten-pinten tandha, inggih menika tanda (sign), lambing (symbol), sinyal (signal), gejala (symptom), gerak isyarat (gesture), kode, indeks kaliyan ikon.
3.     Basa menika minangka swara
Swara ingkang dimaksud wonten ngriki inggih menika swara ingkang wonten sajroning basa, umpaminipun swara-swara ingkang diasilipun saking alat piranti ucap manungsa.
4.     Basa menika nggadahi makna
Lambang-lambang swara basa ingkang nggadahi makna menika wonten saben ijen basa ingkang kawujud morfem, tembung, frase, klausa, kaliyan wacana. Sedaya menika nggadahi makna, amargi menika sedaya pangucapan ingkang boten nggadahi makna saged dipunsebat sanes basa.
5.     Basa menika arbitrer
Arbitrer menika saged dipuntegesi saged obah-obah, boten netep, mana suka, basa menika boten nggadahi sinambungan ingkang paten antaranipun lambang basa (ingkang kawujud swara) kaliyan konsep ingkang dipuntegesi dening lambang menika piyambak.
6.     Basa menika konvensional
Penganggenan lambang basa kangge sawijining konsep menika nggadahi sifat konvensional, ingkang nggadahi teges sedaya anggota masarakatbasa menika sageg manut konvansi menawi lambang menika dipunangge kangge makili konsep ingkang sampun dimakili.
7.     Basa menika produktif
basa dipuntegesi produktif inggih menika snajan unsur-unsur wonten basa menika boten katah, nanging saking unsur-unsur menika saged dipundamel satuan-satuan basa ingkang cacahipun boten wonten watesipun. Umpaminipun fonem-fonem wonten basa Indonesia /a/,/i/,/k/,/t/. saking fonem-fonem menika saged ngasilaken satuan-satuan basa.
/i/,/k/,/a/,/t/                 /k/,/i/,/t/,/a/
/k/,/a/,/i/,/t/                 /k/,/i/,/a/,/t/

No Comment

Laporan Investigasi Lapangan Penyimpangan Wonten ing Para Mahasiswa


Ngombe Inungan Keras lan Narkoba kok Didadekake Pakulinan


Semarang, Rabu, 28 April 2015­­­-,  polah kang gegayutan karo mahasiswa pancen akeh, ana polah kang positif tur wajib lan kudu diconto dening mahasiswa liane amargi polah kang apik tur saged dadi panutan, ana meneh polah kang kudu aja kok tiru, aja kok diconto, amargi yen diconto polah kuwi bakal ndadekake akibat kang ora becik tur bisa mbahayakake awake dhewe lan wong liyan, kayadene polah remen ngombe inungan keras lan narkoba.
Salah sawijine mahasiswa ingkang insiale F kang lagi studi wonten ing Universitas X, mahasiswa kuwi njlentrehaken  babagan polahe mahasiswa, yakuwi ora liya mahasiswa kancane dewe kang jenenge Paijo. Paijo kuwi kerep ngombe inungan keras, alesane ngombe inungan kuwi pirang-pirang, ana kanggo ngilangake setres babagan kakehan tugas kuliyah kang ora rampung-rampung, setres babagan di putus karo pacare, kanggo nenangake pikiran, lan liya-liyane. Biyasane Paijo kuwi ngombe inungan keras kuwi ora ing kampus, ananging wonten kos utawi wonten panggonan liyane, tur ngombene bareng kaliyan kanca-kanca liyane sing gelem ngombe inungan keras kuwi.  Mahasiswa inisial F kuwi uga pernah di jak ngombe inungan keras kuwi bareng Paijo, nanging nolak, tur mulih menyang kos. Untunge Paijo kuwi mangerteni tur ora ana pemaksaan. Ngombe inungan keras kuwi bisa didadekake obat utawa jamu , lan menawi lagi kakean pikiran ugi kudu langsung ngombe inungan keras kuwi. Imbuhe.
Polah mahasiswa sing siji iki uga merhatinake, sebut wae jenenge Tejo. Mahasiswa iki saliyane wis kulina ngombe inungan keras ugi wis nganggo barang bahaya kang jenenge narkoba. Alesan ngombe barang kang bahaya kuwi ya alesane ora beda karo mahasiswa sing jenenge Paijo kuwi, jarene kanggo ngilangake setres babagan kakehan pikiran. Tejo iki menawi ngombe inungan keras lan narkoba iki uga ngajak kanca-kancane sing gelem ngombe barang kang bahaya kuwi. Polahe Tejo kuwi saiki dadi beda, dadi seneng dewekan tur perilakune dadi meneng utawa ora kakehan omong. Ujare kancane Tejo. Obahe perilaku lan polahe Tejo kuwi salah sawijining perkara kerep ngombe inungan keras lan narkoba.
Menawi para mahasiswa setres utawa kepengin nenangna pikiran mbok ya bisa nglakukake hal-hal sing positif, misale sholat lan ndonga ing masjid, refreshing utawa dolan-dolan karo kancane menyang tempat-tempat sing bisa nambah wawasan tur pengalaman. Ananging menawi Paijo lan Tejo koh ora kaya mangkono, malah nglakukna perkara sing bisa ngrusak deweke tur merhatinake para generasi muda.
Menawi polah kang kaya mengkono terus didadeake pakulinan, sansaya suwe generasi muda bakal rusak, apamaneh menawi polah kang ora becik kuwi dilakokake ing kalangan para mahasiswa, padahal sajake para mahasiswa kuwi didadekake generasi penerus bangsa, lan mahasiswa kuwi kudu bisa dadi conto lan panutan kanggo masarakat liane.
Peran wong tua ing perkara iki uga penting, wong tua kudu terus merhatikake lan ngontrol perkembangan anake, kahanan lan babagan apa wae sing lagi dilakukake dening anake, apamaneh yen anake kuwi adoh saka wong tuwane, umpamane yen anake lagi kuliyah, apa meneh yen kuliyahe kuwi ana ing luar kota utawa luar negeri, kang adoh saking pengawasane wong tua. Aja sampe perkara sing ora becik babagan ngombe inungan keras lan narkoba kuwi dadi polah kang kulina dening anake.
Kang utamane maneh, peran lan kesadaran para mahasiswa babagan bahayane ngombe inungan keras lan narkoba kudu terus di tingkatake, kudu terus waspada, mawas dhiri, tur uga kudu selektif milih kanca, aja nganti tujuan utamane para mahasiswa kuliyah dadi ancur mung jalaran perkara kang ora becik tur bahaya kuwi.
No Comment

Gladhen Cerkak (Kedlarung Kepengen)



Dina iki critane Bu Sariwati alias Bu Gareng lagi ngultah alias ulang tahun. Ora kaya biasane , tahun iki Pak Gareng koq kelingan dadi iso menehi surprise makan malam romantis petromaks  light dinner ning warung sego goreng e mbah Joyo 

"Pah papah, uenak yo sego goreng e, papah gelem didulang gak?" Bu Sariwati sing lagi bungah merga bojone kelingan tanggal laire nyendok sego goreng karo isih mesam mesem 

"gak usah mah, kan iki spesial nggo mamah dientekna wae ben sehat semlohe kaya syahrini" Pak Gareng nyebut jeneng artis sak kecekele, sing penting bojone seneng

 "Hehehe, coba aku mbendino ulang tahun yo pah" 
"Yo ojo bu nek mbendino, aku ngko bangkrut, tur gak apik nek mbendino awakmu maem kaya ngene malah iso ketularan bodine limbuk lak an, eh" Pak Gareng wis kadung ketrucut omong 

"Oo..dadi maksude aku gembrot ngono" Bu Gareng siap-siap nesu

"Yo ora to mah, woles woles..papah ming nggoda koq"

Sakwise dinner berdua, kekarone njuk mlaku-mlaku ning taman kota. Kaya Abege lagi kasmaran lungguh ning kursi dawa sinambi gandengan tangan lan nyawang tanduran kembang sing kena sorote lampu, romantise wis pokoke ngalahke pasangan Hollywood Brad Pitt - Angelina Jollie 

"Eh Pah, ngerti karo tanggane dhewe sing anyar gak, sing omahe pojok madep ngetan?" 

"Oow..Bu Sinta yo mah?" Pak Gareng njawab cepet banget 

"Koq Papah langsung njawab Bu Sinta sih? kudune kan Papah njawabe Pak Rama" Bu Gareng langsung mlerok 

"Iyo Mah Sori sori salah njawab, emange tangga anyare dhewe kenapa Mah?"

"Nah iku, tak critani pah... Bu Sinta karo Pak Rama ki kan ketok awet enom terus romantis yo, ning endi-endi wong loro, papah ngerti rahasiane gak?" 

"Ehmm....rahasiane merga duite akeh yo mah?" Pak Gareng njawab ngawur 

"Ahh Papah ki blas gak iso dijak romantis ogh"

"Oke-oke maaf Mamah sayang, emang apa mah rahasiane" Pak Gareng mbujuk karo ngrangkul bojone 

"Dadi ngene Pah, mben isuk sakdurunge mangkat kantor iku, Pak Rama mesti ora tau absen ngesun Bu Sinta, iku sing marai langgeng pernikahan lan awet enom merga ati seneng" 

"Wahh...!!!????" 

"Nah koq papah gak tau ngono sih, padahal mamah kan yo pingin" 

"Lho Mah...Papah ki lho yo pingin nganggo banget lah nek ngono..tapi kan,.... tapi kan Papah gak kenal karo Bu Sinta, mosok teka teka ngesun..." ....PLAK...............GEDABRUK............. 


Selengkapnya : http://www.kompasiana.com/iinlho/cerkak-basa-jawa-ngokoan-mamah-yo-pingin_54f843c2a33311195f8b4a0e
No Comment

Aran-arane Mangsa ing Jawa



1.    Mangsa Kapisan
Mangsa Kapisan utawa kasa, diarani sotya murca ing embanan. Tegese wayahe wit-witan pada mranggas godhonge. Mangsa iki suwene 41 dina. Wiwit 22 Juni – 2 Agustus.


2.    Mangsa Kapindho
Mangsa kapindho utawa Karo, diarani Bantala rengka, tegese wayahe lemah padha nela sing suwene 23 dina. Wiwit 2 agustus – 25 Agustus.
3.    Mangsa Katelu
Mangsa Katelu diarani suta mamet ing bapa. Tegese wayahe wit uwi lan gembili padha mrambat. Mangsa iki suwene 24 dina, wiwit 25 Agustus – 18 September.
4.    Mangsa Kapat
Mangsa Kapat diarani waspa kumembeng jroning kalbu. Tegese wayahe sumber-sumber banyu padha pepet. Mangsa iki suwene 21 dina, yaiku wiwit 18 September – 13 Oktober.
5.    Mangsa Kalima
Mangsa kalmia diarani pancuran sumawur ing jagad. Tegese wayahe wiwit ana udan sing suwene 26 dina, yaiku wiwit 13 Oktober – 9 November.
6.    Mangsa Kanem
Mangsa kanem diarani rosa mulya kasucian. Tegese akeh who-wohan kang wis enak dipangan. Mangsa iki suwene 43 dina, wiwit 9 November – 22 Desember.
7.    Mangsa kapitu
Mangsa Kapitu diarani wisa kentar ing maruta, tegese wayah akeh lelara. Mangsa iki suwene 43 dina, yaiku wiwit 22 Desember – 3 februari.
8.    Mangsa Kawolu
Mangsa kawolu diarani Anjrah jroning kayum. Tegese wayahe kucing padha kasanga gandhik. Suwene mangsa iki 26 dina, yaiku wiwit 3 Februari – 1 Maret.
9.    Mangsa Kasanga
Mangsa kasanga diarani Wedharing wacana mulya. Tegese wayahe kewan padha meteng. Mangsa iki suwene 25 dina, yaiku wiwit 1 Maret – 26 Maret.
10.  Mangsa Kasepuluh
Mangsa Kasepuluh diarani gedhang minep jroning kalbu. Mangsa iki suwene tekan 24 dina, wiwit 26 Maret – 19 April.
11.  Mangsa Kasewelas
Mangsa kasewelas diatani sotya sinara wedhi. Tegese wayahe manuk didulang pakanan mangsa iki suwene 23 dina, wiwit 19 April – 12 Mei.
12.  Mangsa Karolas
Mangsa karolas diarani Tirta sah saking kasana. Tegese mangsa pametune bendhidhing saengga hawane adhem. Suwene sawetara 41 dina, wiwit 12 Mei – 22 Juni. 
No Comment

Jawa Lan Kabudayaane




1.    Jawa Barat lan kebudayaane
Tari tradisional
· Tari jaipong : ngisahake penduduke kang gampang kanggo kekancan utawa pergaulan
· Tari Merak : ngisahake murkane raja amarga ditolak tresnane dening wong wadon.
Lagu Daerah    : Bubuy Bulan, Sintren, Cingcangkeling
Basa Daerah    : Basa Sunda, Basa Betawi
Omah adat       : Omah Adat Kasepuhan
Kenjata Tradisional       : Kujang
Pakaian Adat    : Singer
Musik Tradisional         : Kecapi

2.    Jawa Tengah lan kebudayaane
Tari Tradisional
·         Tari bambang cakil       : Ngisahake perang srikandi kalawan buta cakil
·         Tari Srimpi                   : Ngisahake tarian kuna kraton (biyen) kang gerakane alus, agung lan wibawa.
·         Tari Kendalen              : Ngisahake prajurit kang gagah lawan tanding utawa kendel perang.
Lagu Daerah    : Ganbang Suling, Gundul-Gundul Pacul, Suwe Ora Jamu, Lir-ilir.
Basa Daerah    : Basa Ngoko, Basa Ngoko Lugu, Basa Krama
Suku                : Jawa, samin, karimun, lan liya-liyane
Omah Adat       : Omah Adat Joglo
Senjata Tradisional       : Keris
Pakaian Adat                : Beskap lan Kebaya
Alat Musik                    : Sitar

3.    Jawa Timur lan Kebudayaane
Tari Tradisional
·         Tari Reog         : Ngisahake penduduk kang gagah prakasa
·         Tari Ngremo     : Ngisahake pahlawan kang gagah kanggo nyambut tamu
Lagu Daerah    : karapan Sapi, Tanduk Majeng
Basa daerah     : Basa Jawa, Basa Madura
Suku                : Jawa, Madura, Tengger, Osing
Omah Adat       : Omah Adat Joglo
Senjata Tradisional       : Clurit
Pakaian Adat    : Adat Madura
Alat Musik Tradisional              :Bonang

4.    Yogyakarta lan Kebudayaane
Tari Tradisional
·         Tari Merak       : Ngisahake kaendahane alam kang padha dialami dening manuk merak.
·         Tari Beksan      : Ngisahake supaya prajurit tambah kendel utawa semangat perang tanding
Lagu daerah     : Pitek Tukung
Basa Daerah    : Basa Ngoko, Basa Ngoko Lugu, Basa Krama
Pakaian Adat    : Surjan lan Kebaya (Jarik)
Omah Adat       : Omah Bangsal Kencana
Senjata Tradisional       : Keris
Suku                : Suku Jawa
Alat Musik Tradisional : Kendang
Diberdayakan oleh Blogger.