SINOPSIS NOVEL “NGLARI WOTING ATI” KARYA FITRI GUNAWAN

Sampul Buku Novel "Nglari Woting Ati"

Dini, jeneng jangkepe Wara Muherdini lagi ngancani putrane ndelok manuk ing TMII. Putrane jenenge Arda Baskoro, bocah umure telung taun. Arda katon seneng banget nalika ngrungokake ocehe manuk, ndeleng jinise kang maneka warna. Arda pingin mbesuk bisa ndelok manuk karo bapakne uga. Irawan, bojone Dini ya bapakne Arda. Irawan wis ana ing ngomah nalika Dini karo putrane bali menyang omah. Ora kaya biasane Irawan wis bali sadurunge wayahe. Sajake ana babagan sing wigati. Irawan bingung anggone ngehubungi bojone kuwi, amarga lungane karo Arda, Dini nge-off-ke hapene. Irawan arep ngabari yen Dini oleh tawaran beasiswa S3 ing WSU (Washington State University). Dini rasane kabotan yen kudu ninggalake keluwarga, ninggal Arda, ninggal bojo, lan ninggal wong tuwa. Dini banjur njaluk pendapat marang Ibune. Rada padhang anggone Dini mutusake kanggon menyang negri Paman Sam kono.

Nalika kelas loro SMA, Dini kapilih makili kotamadya kanggo pertukaran pemuda ing Kanada. Dini duwe kemampuan bebasa Inggris  kang cukup apik, uga kemampuan nari, dheweke sinau njoget wiwit cilik, kelas papat SD didhaftarake Ibune ing sanggar tari Laras Madya.

Budhale menyang Amerika kono, saka Indonesia ana wong sepuluh. Wong sepuluh mau padha mencar, Dini karo kancane loro, yaiku Budiarti lan Rumanti mlebu ing Psikologi Pembelajaran kabeh. Tinggale ana asrama kampus, dina-dina awal Dini kelingan Arda terus, atine rasane trap-trapan isih ora tega ninggalake putrane. Nanging Dini ya seneng bisa ninggalake Indonesia menyang Amerika kanggo ngilmu. Dini pengen nggawa Ibu lan putrane kanggo ngancani ing Amerika kono, ananging jebule yen nggawa keluwarga kudu wragat dhewe. Nalika kangen karo wong omah, supaya ora sedhih lan bingung Dini kerep mlaku-mlaku nikmati kaendahan kutha ing kono.

Olehe telung wulan sekolah, Dini dikagetake karo Rudi sing nelpun dheweke. Rudi kuwi kancane wiwit cilik, sinau nari bebarengan ing sanggar Laras Madya bareng. Rudi kawentar karo sebutan butha cakil, amarga nalika Rudi nari dadi butha cakil apik banget. Rudi kuliah ana ing Boston, lagi ngenteni wisudane. Krungu kabar Dini kuliah ing WSU, Rudi banjur ngubungi Dini kanggo melu acara Permias (Persaudaraan Mahasiswa Indonesia ing Amerika Serikat). Dini diajak kanggo ngancani dadi pasangan nari bambangan cakil, acara iku kanggo nggalang dana sing bakal ditujukake mbantu korban ing tanah air. Dini ya gelem wae amarga Rudi kuwi kanca rakete. Sawijining dina, Steve diutus ibune supaya methuk Dini kanggo ngajak ing omahe Montreal. Anggone rana Dini ngajak Budiarti. Ing kono padha sesrawungan gegojgan bareng, ananging ora suwe, amarga dina Senin Dini kudu mlebu kuliah. Mbalike uga diterke Steve maneh.

Eling janjine marang Rudi, Dini ketemu banjur latihan nari karo Rudi. Ing kono wong loro kuwi padha senenge anggone ndongeng-ndongeng. Sawijining dina, nalika Dini ingperpustakaan kampuse, Dini dikagetake Arda lan Irawan sing nusul dheweke ingperpustakaan. Jebule sakaluwarga ya padha melu. Tekan wayahe wengi nggalang dana, sakaluwarga padha nonton pentas. Nalika Rudi lan Dini nari bareng, Rudi kaya-kaya ndadi,improvisasi sageleme. Dini jengkel, amarga pentas mau ditonton kaluwargane, luwih-luwih Irawan mesti cemburu. Nanging pikire Dini salah, Irawan lan Rudi malah bisa padha-padha apikan. Arda malah pingin bisa dadi cakil sing duwe keris. Kanthi padha bali menyang Jakarta lan Kuala Lumpur, ndadekake dina-dinane Dini sangarepe tansaya kangen.

Sawijining dina, Dini nelpun Ibune ing Jakarta. Kaya anggone Dini nakokake kabare Arda lan Irawan. Ibune kandha yen Irawan lagi ora ing ngomah, jarene lagi menyang Sentul kanggo balap karo Alex. Mak trap atine Dini nalika krungu jeneng Alex. Dini mikir yen Alex iku Alex kakangne Anita. Anita kuwi kenya sing biyene sesambungan karo Irawan. Atine Dini dadi ora kepenak, ananging Dini tetep bisa fokus kanggo ujian disertasine. Telung sasi sabanjure Dini wisuda, ananging padha ora bisa teka. Sing teka keluarga Cremeers. Irawan embuh ing ngendi, pungkasan oleh kabar ngenani Irawan ya seka Ibu yen Irawan lagi lunga menyang Sentul kae. Dini bingung banget, ngrasakake yen ana apa-apa karo sigarane nyawane kuwi. Dini mbalik menyang Kuala Lumpur, ing kono dheweke dipethuk Parikesit, Parikesit kuwi adhine Irawan. Parikesit nyritakake kabeh apa kang dialami kangmase kuwi. Dini kaget banget, amarga sawetara iki ora tau dikandhani kabare bojone. Irawan dhewe ya ora carita yen ana prahara. Ngenani kahanane Irawan, Dini sedhih lan bingung, ora nyangka yen Irawan kacilakaan amarga dendame kaluwarga Burhanudin. Burhanudin kuwi bojone Anita. Ananging lelorone palakrama ora adedhasar tresna, nanging wales dendam. Parikesit lan Dini mabur menyang Malagasi kanggo nggoleki Irawan. Jebule nalika pesawate sing ditumpaki Parikesit lan Dini lagi take offsaka Jakarta, Irawan wis dikirim bali. Kaluwarga ora bisa ngehubungi. Satekane Malagasi, Parikesit lan Dini nelangsa banget amarga wis adoh-adoh tekan kono jebule Irawan wis mulih menyang Kuala Lumpur. Atine Dini sansaya ora karuan. Banjur satekane ing rumah sakit ing Kuala Lumpur, Dini kaget amarga ana Anita sing langi mbesuk Irawan. Katon banget yen Anita isih tresna marang Irawan. Dini tetep legawa. Sawise kuwi, Dini lan Irawan kangen-kangenan. Irawan dipindhah supaya dirawat ing Jakarta wae, ora let suwe Irawan bisa pulih maneh. Pasedulurane karo Rudi isih raket, Rudi ngajak Dini prospek PHI (pamulangan luhur impian), kuwi idene bapake Rudi. Tamtu Dini sarujuk wae amarga Dini pawongan aktivis marang pendhihikan. Wayah-wayah kuwi, Dini dihubungi kanggo ning rumah sakit kanggo mbesuk Anita. Anita wis ngrasa yen dheweke sediluk maneh bakal nemoni ajale, mula dheweke ngakoni marang Dini yen Anita isih tresna banget marang Irawan. Anita tilar dunya. Dini melu ngrumat jisime kanthi ing palereman.

Prospeke sing ngagas pamulangan luhur impian kae dibacutake marang Dini lan Irawan sing survey lemah, kanthi nganakake rapat. Ing kono katon yen Dini wonge pimpinan sing wibawa, analisise kritis. Mula padha seneng karo Dini. Mbangun kampus ing dhaerah Semarang tepate ing Ungaran dadi kasunyatan, kampus mau dijenenge Universitas Suryo Bawono. Pengurus ing kampus kuwi ya lagi wong-wong sing kiprah saka awal. Sawijining dina, Dini dikobarake rasa cemburune karo Rosita, muride Irawan. Dini pikirane pirang-pirang ngenani Rosita kuwi. Saking putheke Dini mutusake kanggo menyang Gili Meno tanpa pamitan marang Irawan. Irawan bingung nggoleki. Nanging Dini tetep kukuh arep ngedhemke pikire ing pulau kuwi. Mung piarang dina Dini mbalik, Dini lan Irawan padha pacelathon. Irawan nyritakake kedadeyan sing dialami sanalika Dini lunya menyang Gili Meno. Irawan bisa njelaske yen dheweke ora ana hubungan apa-apa karo Rosita, pamikite Dini sawetara iki salah. Irawan lan Dini padha apikan maneh. Dini ditugasake kanggo ngisi pidhato ilmiah ing kampuse. Sanalika pidhato, Dini ujug-ujug semaput. Nalika sadar wis ana bojone, kanca-kancane, uga dhokter ing sandhinge. Kandhane dhokter Dini lagi ngandhut bayine sepuluh minggu. Irawan lan Dini bungah banget.